أول موقع للمحاورات واشعال التنافس بين شعراء الرد

للمحاورة** والقصيد**النبطي **والغزليه** والحدايا زالالغاز


المواضيع الأخيرة
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
ابحـث
 
 

نتائج البحث
 

Rechercher بحث متقدم

محاوره مع الشاعر ***بعيد النظر*** ابو فهد ( ابو سامي)

الثلاثاء يونيو 03, 2008 9:59 pm من طرف ابوسامي

بنت مزيــــــــــــــــــــــــــونة

بدع ابو سامي

من امس واليوم اغازل في مزيونه
********والقـوم كلـن بعينـه يغازلهـا
اتلـد فالقـوم وعيونهـا مـنـي
******وانـا علـى دربهـا ماتعـدانـي

البنت عن سكة العيب مصيونة
*******ماكل رجل بغرامـه يحايلهـا
لوصار نقاش لكفوفها يحنـي
********وانا علـى دربهـا ماتعدانـي

رد بعيد النظر

ليت الحشيشي يهدّي على هونه
******وأنا من العام بالود اواصلهـا
ياكثر من هو على البنت متعني
*******وأنا علـى دربهـا ماتعدانـي


إن كان ماتعرف العشق وفنونه
********لاتزهق يديك تفهق جدايلهـا
يوم المنا مايجي كـل متمنـي
********وأنا علـى دربهـا ماتعدانـي


رد ابو سامي

انا لها ناصب البيت وركونه
********ماباقي الا شويـة وانزلهـا
والله من الأنس والجن يامن
*******وانا على دربها ماتعدانـي

راس يناطح نبا نكسر قرونه
******حتى يعرف الرجال وحبايلها
ماكل واحد لها يضحك السني
********وانا على دربهـا ماتعدانـي


رد بعيد النظر

أضغاث الأحلام ماهي بمضمونه
**********ياللي على غير واقع تفصلهـا
سبحان من هو على العلم مكّني
************وأنا علـى دربهـا ماتعدانـي


تلقى حلاوتك في الصبح ليمونه
********وآصبر عليها بعـد ماتحصلهـا
خلك على طيف الأحلام متهني
*********وأنا علـى دربهـا ماتعدانـي

رد ابو سامي

منته من العود ولامن غصونه
*********ولا انت منها ولامن قبايلهـا
اتضن وتشك ويخيب الضنـي
********وانا على دربهـا ماتعدانـي


احكام باحكام بالشرع مطعونه
*******حكمك يهمش وباقي قلايلهـا
بين العرب منت شيعي ولاسني
*******وانا علـى دربهـا ماتعدانـي


رد بعيد النظر

ماني بمجنون تسري به ضنونه
*********والحق كلمه ولا آنته بقايلها
مرّتك وآنته بمسحوبك تغني
*********وانا على دربهـا ماتعدانـي


ياماأصعب الفعل والهرج ياهونه
*******تقوله اهل المثل فـي مثايلهـا
ماناخذ الدول من محرق البني
*********وانا علـى دربهـا ماتعدانـي

رد ابو سامي

كم واحد قبلك انسـاق لخمونـه
******وامسى في ميل الدروب وعدايلها
البـرق يبـرق ورعـادة يدنـي
*********وانـا علـى دربهـا ماتعدانـي
لاتفرغ الزاد في غيـر ماعونـه
********ويجيك عاقـل بهرجـة تحثلهـا
المنحل ابوه مـن دونـه يزنـي
*******وانا علـى دربهـا ماتعدانـي ِ


رد بعيد النظر

اللي شرى الغاليه حط عربونه
*******وأقفى بها غاليه بعد كملهـا
لاهو بسارق لاهو بمتجنـي
*********وانا على دربهـا ماتعدانـي


النجم عالي وبعد المدى دونه
******توضي على البعد آنته تخيلها
وإن شفتها تسري تون وتحني
*********وانا على دربهـا ماتعدانـي

رد ابووساامي

عربونك يجيب لك بنت دندونه
********فصيلتك تنطبق مع فصايلهـا
واسكندراني ليا شافك يهنـي
*********وانا علـى دربهـا ماتعدانـي
دون المغاتير شايب معه شونه
********عند الأصايل يـوده لصايلهـا
ماياكل الا من انجاضها والني
**********وانا على دربهـا ماتعدانـي

رد بعيد النظر

إن طار بالون وإن طاح بالونه
********إكتالها بعد ماكنـت كايلهـا
تلقى الكمنجه مع المطرب الفني
*********وانا علـى دربهـا ماتعدانـي


الشايب اللي كبر وإختلف لونه
******ماتت زنوده ولا أشعل فتايلها
والسالفه بطن ذيب ولحم جني
********وانا علـى دربهـا ماتعدانـي

ابو سامي



























تعاليق: 1

استفتاء
منتدى
المتصلون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 4 بتاريخ الخميس يونيو 05, 2008 3:41 am
احصائيات
هذا المنتدى يتوفر على 19 عُضو.
آخر عُضو مُسجل هو makd فمرحباً به.

أعضاؤنا قدموا 53 مساهمة في هذا المنتدى في 26 موضوع