محاورة ابو سامي مع بن سرحان المروحي

**Admin** · من طرف **Admin** في الثلاثاء يونيو 03, 2008 7:03 pm

حظروا لي 00000 ابن سرحان
تنويه أبو فهد الحشيشي (((((هو ابو سامي ))) للمعلوميه

من شاف ابن سرحان قبل الليل يارايح يمن
******يحظره لو كان تحـت الارض ولا فوقهـا
والله لعطيه البشاره لو يبـا كيلـو سمـن
******ويكون ماموني على الدعوه وسعر احقوقها

رد بن سرحان

المعذره وانا اخوك ما انتبهت للموضوع الا متأخر استلم

انا معك فالطرقه اللي مالها عندي ثمن **** وابشر بعزك لا عطيت اهل الحقوق احقوقها

هات العلوم وكلنا صدقان في هــذا الوطن **** عيني تخيــــــــل النوه اللي ما تغيب ابروقها

رد ابو سامي

راحت علاك المهره اللي ملتوي فيها الغبن
*********فالدرب مفروسه غوايشها وطايح طوقهـا
جفنك علاها مارقد والقلب منهـا يطحـن
**********ياكم حلمت اتقودها ياكم حلمـت تسوقهـا

رد بن سرحان

استلم

عز الله انا نفرح ابها وانت قلبك مشتحن **** ولياك تشقــــــــــر فالعصا اللي ودنا بطبوقها

لكن سقها وانت تدري مابعدها الا الكفن **** وش عاد لو تشرب مــن الجمه وفمك ايذوقها

رد ابو ساامي

ليتك حكمت الشور وافصحت الرطانه بالرطن
******بعد انتثر ماها من الماعون كيـف تحوقهـا
الجبه الـي مالهـا لبـاس مخبونـه خبـن
*******لاتلتبسها والعـرب يـدرون كثـر فتوقهـا

رد ابن سرحان

استلم يابو فهد الله يعافيك

الميت اللي فوق الارض اليا بغيت اله الـــدفن ***** لا تكسر الحره عليه ولا تسيل موقها

اتسل سيفك في وجيه اصحـــابك وتبكي حزن ***** لكن هذي سلعتك لقيتها في سوقها

رد ابو سامي

المعدني مانعرفه يكـون مـن داره عـدن
********غصن اشجرة ماتت نواميها يبوس عروقها
انا وخويه ضد ولد العم لن جـات الفتـن
*********ونفزع ثلاثتنا لايا جاء حرب برق وروقها

رد بن سرحان

الشجره اللي ضلها ضافي علاكم من زمن ****** اشوفــك اليومه تبا تقطع جيمع اعذوقها

لكــــــــــــن ترانا حزة الميقاف ما فينا وهن ***** ونته تعرف ان الذخاير كوم في صندوقها

رائع يابو فهد يا حبيبي الله يوفقك

اشوفك على خير بعد (12 )ان شاء الله

رد ابو سامي

الله يديم الستر يالسرحـان ويديـم الامـن****لاتاخذك غرتك بيـن غروبهـا وشروقهـا
كب الذخيره وفرش لجنبك فراش من القطن ****مروحي وتروح في دنيـا كبـار اشدوقهـا

رد بن سرحان

استلم يابوفهد ولوعد بيننا كان بعد (12)لكن اآآآآآآآآآآسف على التأخير

ياللي نحسبنك على حــــــــــــــق اليتاما مؤتمن ****** بعض العلوم الطارفه يســــــريبها مطفوقها

حنا في حصن الدار وانت اتغني فوسط الحصن ***** تبا تقســــــــــــــــــــم ورثة الحيين ثم اتبوقها

رد ابو سامي

انا محقاني ولحم الني يعـور فالبطـن
**********بحجنت الباكور نفرز ظانها عن نوقها
يوم الحرايب والغرايب وين عنا مندفن
*********دوبك تخمن بين كذبتها وبين اصدوقها

رد بن سرحان
ولله ما هموني اهـــل البوق حسان وحسن ***** الذيب يعوي فالديار اللي شهق غرنوقها

لاتحسبنك ماخذ ام انهيد في وســط الحضن ****** منته بلا راعي (ن) لها ولانته بمعشوقها

رد ابو سامي

يعجبني السرحان يومنه لتفكيـري فطـن
*******يثور البندق ولن زمت يصـف اسبوقهـا
ابا آكل مع الذيب وصيح مع الراعي وصن
******وليا مشوا ربعي في قاله مانجي في عوقها