محاوره ابو سامي مع الشاعر عبيد الله العرابي

ابوسامي · من طرف ابوسامي في الثلاثاء يونيو 10, 2008 11:09 am

التحيه عامه للربع 00 والمطلوب معروف
محاوره مع الشاعر عبيد الله العرابي
بدع ابو سامي

سلامي برديه على الربع والاصحاب *********سواة القمر والشمس وشعوع شارقها
ولا يالعرابي دوب وقتك فتحلك بـاب *********على واجهة عوج الدروب ومفارقهـا
رد عبيد الله العرابي
هلا مرحبا ترحيب ماله عدد وحسـاب
بعد جيتنا ياضيـف والـدار طارقهـا
والا يالحشيشي ماش ميته بغير أسباب
ومن جاته الاسبـاب ماهـو مدارقهـا

رد ابو سامي

ولا يانسيبن ماتجمل مع الانساب** اخذ بنتهم وسبوع واحد وطلقهـا
علاكم ملامه بعد عانيتوا الاجناب **ولو مت كان الموت يستر حقايقها

رد عبيد الله
ههههههههههههههههههه

هالله .. هالله

أنا ماخطبت البنت وآنته مع الخطاب
وآبت تلتفت لك وآنت عينك مبلقها
من اللي عليه اللوم فى الماقف الغصاب
ليا صرت راعـي سـدةٍ ماتغلقهـا

رد ابو سامي
مساكم الله بالخير جميع
ياعرابي المتقاطعه ترى ماتسري

تقلطتها وامسيت من حومها مرتـاب *********مبيت الغبينه كـل ساعـه تهايقهـا
علامك تصدرها محيمه من المشراب *********تقرقع في حاض الضاميه لين تِزهقها

رد عبيد الله

ليا سولف الصادق سكت حضرة الكـذاب
وآنا وش عليه منـك لاصـرت بايقهـا
ترى لقمة الجيعان من تحت ضرس وناب
لويشـم فيهـا السـم للبطـن سايقهـا

رد ابو سامي

ابو زيد وش قدم معاريف ولاجاب
*********مع القوم ماله راي روح علايقهـا
قوامك وسيم وصورتك زينها جذاب
********* ثنينك في واحد والشبه مايطابقهـا

رد عبيد الله
يقولون من هاب العدا راح ماينهاب
وراحت به الايام فى آخـر طبايقهـا
ثمنها معي مير أستحي لاألحق الغيّاب
بهرجة خطا وتضيق منك وتضايقهـا

رد ابو سامي

تقوله مع الوادي وأنا بادي المرقـاب
*********في منأى عن هفو العلـوم ولصايقهـا
هذا هيض من غيضتك يمفارق الاحباب
*********وماجور أبو يديـن خـدوده يصفقهـا

رد عبيد الله

تبي تبطي الكوره مع الكبتن اللعـاب
وهـذا يعرقلّـه والآخـر يلاحقهـا
معك حملةٍ مشتالها من على قـلاب
على وين ومنين آنت جاي إمتحوّقها

رد ابو سامي
ضعيف الروابع رز خيمه بلا منساب
*********تهب الرياح وربع ساعـه تشققهـا
تري حملة القلاب إلك مالها مجناب
*********لياجتك حط الاوله مـع سوابقهـا

رد عبيد الله

الشاعر الكبير والعملاق / منير الحشيشي
بيض الله وجهك بياض يشع مع كل ريع
وهذا القاف يغنيني عن كل المحاورات
أما بالنسبه لما قلت :
أنا معلمك من أول قلت لك لاتدخّل إلا بخير ههههههههههههههه
مير آنت على نياتك الله ربنا وربك

تقديري لك يابو سامي ولنا لقاءات بإذن الله تعالى
ابو سامي

الله يبيض وجيهكم جميع
مشكور يادكتور الادب والاخلاق على متابعتك وتشجيعك

والسلام عليكم ورحمة الله وبركاته